Koronavirus

All organisert trening vart stoppa stoppa frå midten av mars. Alle kampar/konkurransar og arrangement er også avlyst eller utsett inntil vidare. For fleire idrettar fekk sesongen tidleg slutt, og for andre er starten utsett. Større fysiske møter/kurs i idretten er heller ikkje lov.

Eigentrening er lov, men følg råd frå helsemyndigheitene. Hygiene må vere i fokus. Viruset lever tre timar i luft, og fleire dagar på dei fleste overflater. Det er dermed svært stor smittefare. Hald god avstand til kvarande. Grunntrening/styrke kan ein drive heime med enkelt utstyr. På internett er det mange tips til øvingar, t.d. på "Olympiatoppen", "hele Norge trener" (også på TV2).

Alle treningssenter held også stengt. Ørstahallen er stengd. Det er ikkje lov å samle seg i større grupper på fotballbaner.

Idrettsforbundet har utsett fristen for å halde årsmøte i idrettslaga. Ny frist er 15. juni.

Dette vil også føre til økonomiske problem i mange idrettslag. Regjeringa kjem med ein tiltakspakke for idretten. Idrettsforbundet vil at alle idrettslag skal melde inn økonomiske konsekvensar:
https://www.idrettsforbundet.no/nyheter/2020/idrettsforbundet-ber-alle-idrettslag-registrere-okonomiske-konsekvenser-av-koronaviruset/

Idrettsforbundet har eigne korona-sider: https://www.idrettsforbundet.no/tema/koronavirus/ 

Frå 3. april opna idrettsforbundet for organisert trening, med strenge reglar: maks 5 personar i gruppe, og minst 2 meter mellom kvar person. Vaksne skal vere til stades. Ikkje samkøyring til og frå trening. Ikkje ta på felles idrettsutstyr. Bruk handvask ofte. I praksis er det svært få idrettar som kan ha organisert trening no. Les meir om reglane her: https://www.idrettsforbundet.no/idrettskrets/moreogromsdal/nyhet/2020/nifs-anbefaling-til-utovelse-av-idrettsaktivitet/ 

Følg også med på korona-info frå kommunen: https://www.orsta.kommune.no/beredskap/koronaviruset/ 

Etter påske vert det opna for å søke om kompensasjon for tapte inntekter frå avlyste arrangement. Lotteritilsynet skal administrere denne ordninga: https://lottstift.no/krisepakken-for-korona-avlyste-stengde-og-utsette-arrangement/