Ny kunstgrasbane på Vartdal.

Først var det folkefest inne i fleirbrukshallen, med eit flott program og mykje god mat. Deretter vart bana opna offisielt av ordføraren, før festen vart avslutta med ei show-kamp. A-laget vant greitt over «old boys»-laget.

Det tok nær 40 år å få på plass den nye fotball-bana. Dei siste åra har kommunen og næringslivet bidrege stort for å få prosjektet i hamn. Det neste store prosjektet for Vartdal TIL er klubbhus, som dei allereie har starta på.

Søndag 12. mai vert det Bygdepride  på den nye bana. I samarbeid med Sunnmøre Fotballkrets ønskjer ein å sette søkelyset på idrett og homofili, og vise at idretten er ein arena som inkluderer og som er for alle – uavhengig av kjønn, identitet og kven du elskar. Kl. 13.00 – 16.00 vert det fotballeik for born og unge på nye Vartdal stadion. Det vert også underhaldning både på og utanfor bana, med og utan ball. Det vert også sal av heimelaga brennsnut.

Bilder frå opninga: