Opning av Ørstahallen

Det vert opningshelg i den nye Ørstahallen 26-27. januar. Sjølve opningsfesten vert på søndagen kl. 15:45– 18:00. Det blir mykje ulik aktivitet i hallen heile helga. 

Ørstahallen er for heile kommunen. Idretten vert oppfordra til å bidra med variert aktivitet denne opningshelga, også lag utanfor sentrum! Kontakt idrettsrådet (ved leiar) om laget ditt vil bidra.

Idretten får også høve til å selje mat/drikke denne helga. Det kan jo kome mykje folk. Kontakt leiar snarast om dette er aktuelt for ditt lag.

Vedlagt nokre bilde frå hallen som den var i midten av desember. Kommunen skal overta bygget 14. januar. Kommunen kan ikkje love full aktivitet i hallen etter opningshelga, det er svært kort tid etter overtaking.

Hallnemnda vert utvida med tre representantar frå idrettsrådet. Søknad om halltid kan laga sende til dagleg leiar for hallen (Rebecca Bjerknes). Hallnemnda skal som tidlegare stå for tildeling av halltid. Det er plass til ny aktivitet i hallen, det er fritt for å kome med forslag! 

Drifta av hallen skal evaluerast i løpet av 2019. Mykje vil gå seg til etter kvart, det er kanskje mest usikkerheit rundt leigeprisane. 

Planskisse 1 høgda: A20-101 Plan 1.Etasje.pdf

Planskisse 2 høgda: A20-102 Plan 2.Etasje.pdf