Tett tak på fleirbrukshallen!

Det er framleis mykje arbeid igjen, men så langt ser det ut til bygget blir klart til overlevering nær jul. Etter finpuss, kontroll og testing blir det offisiell opning og oppstart av aktivitet eit stykke ut i januar 2019.

Hallen er på 8500 kvm. Den inneheld m.a. 3 speleflater til handball/ innebandy/ futsal/ basketball/ volleyball/ badminton m.m., 15 meter høg klatrevegg og buldredel, treningsrom for bordtennis/dans/sirkeltrening m.m., fire løpebaner og hoppegrop, styrketreningsrom, 5 garderobesett, turnavdeling, klubblokale for Ørsta IL, 4 klasserom/ møterom.

Det er framleis ikkje klart korleis ein skal organisere timefordeling i hallen. Inntil vidare kan ein kontakte dagleg leiar Rebecca Bjerknes for (om mogleg) reservasjon til større arrangement.