Første spadetak!

Det var sju entreprenørar som leverte tilbod på ny fleirbrukshall i sentrum. Ørsta kommune valde i april HS Bygg (frå Stryn) som leverandør, dei meinte dette firmaet samla hadde det beste tilbodet. Fleire av dei andre entreprenørane klaga på dette valet. Kommunen gjorde deretter ny vurdering av tilboda, men stod fast på sitt val. Fredag 14. juni signerte ordføraren kontrakten med HS Bygg. Det første symbolske spadetaket vart gjort 30. juni. Olav Hovdenakk, som har vore med i arbeidet for ny hall i vel 25 år (!), fekk vere med på dette spadetaket. Entreprenøren vil starte rigging og skogrydding i starten av juli. Ny utstillingsplass må raskt opparbeidast på Mosflata. Grunnarbeid for hallen, samt riving av klubbhus og barnehage, tek til i august. Målet er framleis at hallen skal stå klar til bruk i november 2018.